ಅಯ್ಯಾ, ಏನ್ ಕೇಳೀರೀ!

ಒಂದ್ ಬದ್ಯಾಗ ಉರಿ,

ಇನ್ನೊಂದ್ ಬದ್ಯಾಗ ನಂಜಾಗೈತಿ

ಅಟೇಯ.

ಅದ್ಕ ಥಕಥೈ ಕುಣಿತಾವ

ದಡ್‌ಮುಂಡೇತವು.

ಟಿಪ್ಪು ಗಿಪ್ಪು ಅಪ್ಪು ಸೊಪ್ಪು

ಅವ್ನೌನ್ ನಂದೊಂದಿಷ್ಟುಪ್ಪು

ಹಾಕವ್ನೌನ್!

ಎಂಗೋ ನೆಗ್ದ್ ಬಿದ್ದೋಗದೆ.

ಮಣ್ಣಾಗದೆ.

ಮತ್ತೂ ಎದ್ ಬತ್ತದೆ

ದಡ್‌ಬಡ್ಡೇತದು.

ನಮ್ ಕಾಲ್ದಾಗ ಹಿಂಗ್ ಆಯ್ತಿತ್ತಿಲ್ಲ

ಸತ್ತವು ಎದ್ ಬರಂಗಿದ್ದಿಲ್ಲ.

ಇದ್ ನಮ್ಕೂ ಹಳೇದು

ತಲೇಬುಡ ಇದ್ದಂಗಿಲ್ಲ

ಹೆಂಗಿದ್ವೋ ಬಡ್ಡೇತವು

ನಂಗೇನ್ಗೊತ್ತು!

ಹಂಗೂ ನಮ್ ಯಾಜಮಾನ್ರಕ್ಕನ್‌

ಗಂಡನ್ ತಂಗೀನ್ ಅಪ್ಪನ್

ಹೆಂಡ್ರನ್ ಇಟ್ಗಂಡಿದ್ದವ್ನ್

ಒಂದ್‌ ತಾವ ಎದ್‌

ಬಂದಂಗಿತ್ತಂತಾರ

ಊರ್‌ಮುಂಡೇವು.

ಕತೆನೋ ನಿಜನೋ ತಿಳೀವಲ್ದು.

ಯಾಕ್ ಬೇಕು ಅಂತೀನಿ!

ಅವ್ನೌನ್ ಹೊಟ್ಟೇಗ್ ಮುದ್ದಿ

ಕಣ್ ಮುಚ್ಚಿರ್ ನಿದ್ದಿ

ಬಂದ್ರ ಸಾಕಾಗೈತಿ.

ಈಗ್ ನೀವೇ ನೋಡ್ರಿ,

ಬೊಬ್ಬಿ ಒಂದೈತಿ!

ಒಂದ್ ಬದೀಗ್ ಉರಿ,

ಇನ್ನೊಂದ್ ಬದೀಗ್ ನಂಜಿ,

ಬುಟ್ರೇನೈತಿ ಇಲ್ಲಿ!?

ಉರಿನಂಜೇಗೌಡರಿಗೊಂಚೂರುಪ್ಪು

19 Mar 2023