ಕಣ್ಣಂಚಿನ ಪಸೆ ಹೇಳುತಿದೆ

ಎದೆತುಂಬ ನೀರಿದೆ

ಬಾರದು ಗಂಟಲ ಮೇಲ್ಗಡೆ

ಒಣಗದೆ.

ರಾತ್ರಿ ಹೊತ್ತಿಗೆ

ಚಂದ್ರನ ಶಕ್ತಿಗೆ

ಅಲೆ ಹೆಚ್ಚಿಗೆ

ಆಗುತಿದೆ

ಅದರೆ

ಸೂರ್ಯ ಬಂದರೆ

ನೀರಿಳಿಯದೆ

ಎದೆ ತುಂಬಿದೆ.

ಹಗುರ ದೇಹ, ತಲೆ ಭಾರ

ಇವೆರಡರ, ನಡು ಸಿಲುಕಿದೆ

ಈ ನೀರ ಭಾವ, ಅಭಾವ.

ಹನಿ ಹನಿ ಉದುರುವುದು

ಆಕಾಶದಿಂದಿಳಿದು

ತಲೆ ಎತ್ತಿ ನೋಡಿದರೆ

ಒಂದೇ ಬಿಂದು.

ಆದರೆ, ಬೀಳುತಿಹುದು!

ಸಾವಿರಾssರು

ಎ        ಬ

ದು      ದು

ರು      ರು

ಏನೇ ಆದರೂ

ಕಣ್ಣದುರಿದರೂ

ಬಿದಿರು ಅಕ್ಕಿಗಟ್ಟಿದರೂ

ಆರದು ಪಸೆ, ಒಂದು ಚೂರೂ.

!             30 Sept 2020